BACOLOD CITY – Ginkilala ang Police Station 4 sa idalum sang liderato sang Station Commander sini nga si Police C/insp. Ritchie Gohee bilang Number 1 sa Oplan Katok kag number 1 man sa kampanya batuk sa illegal nga druga.
Ang Police Station 2 naman sa liderato ni Police C/Insp. Benedicto Villarias bilang Station Commander ang ginkilala bilang numero uno sa implementation sang mga City Ordinances.
Number one man ang Police Station 6 sa bahin sang kampanya batuk sa illegal gambling sa idalum sang leadership sang Station Commander sini nga si Police C/Insp. Jovil Sedel.
Samtang, ang Police Station 1 naman pinaagi sa OIC nga si Police S/Insp. Leo Estopa ang nag-number 1 sa kampanya batuk sa loose firearms.
Ginhatagan man sang award ang Police Station 7 sa idalum ni Police S/Insp. Ramel Sarona bilang Number 1 sa Field of Investigation, samtang si P/Supt. Nasruddin Tayuan naman, hepe sang City Intelligence Unit ang ginpasidunggan man sa ginpatigayon nga buy bust operation batuk kay Marwin Navarro.
Ang amo nga mga top stations ang ginhatagan sang Certificate of Recognition durante sang flag raising ceremony sang BCPO kahapon./Photo: PSInsp. Leo Estopa (PStation 1) nagbaton sang Certificate of Recognition gikan sa BCPO
