General Santos City—wala sa drug watch list sa Polomolok Municipal Police Station ang record officer sa LTO nga si Conrad Casabal, 34 anyos, kansa una nang nasikop atol sa gihimong buybust operation sa Polomolok PNP niadtong nakalabayng adlaw sa Purok Jamila, Barangay Poblacion.
Sumala ni Police Sr. Inspector Hernan Gabat, Deputy Chief Of Police sa Polomolok PNP nga migula ang pangalan ni Casabal human gisumbong sa mga una nang dinakpan sa Polomolok PNP nga lambigit sa iligal nga druga.
Dili pa hinuon mabutyag ni Gabat kung bigtime ang nahisgutan apan iyang gibutyag nga makonsidera nang high value drug personality ang nahisgutan.
Tudo depensa usab si PSI Hernan Gabat bahin sa aligasyon sa suspek nga planted ang ebidenyang nakuha kaniya sa kapulisan. sumala sa opisyal nga normal lang alang sa usa ka lambigit sa droga nga mangkimakak sa iyang gikalambigitan.
Gipaklaro usab niini nga ayha gipahigayonan ug buybust operation si Casabal, ila nang namonitor nga lambigit gyud sa iligal nga droga.
