Wala gibaliwala sa Cagayan de Oro City Police Office o COCPO ang gitawag nga Red October bisan dili pa makumpirma sa kapulisan ang maong report.
Kini ang gibutyag ni Police Supt. Mardy Hortillosa, Spokesperson sa COCPO sa interview sa dxCC-RMN Cagayan de Oro.
Matud ni Supt. Hortillosa nga padayon ang ilang hugot nga pagbantay sa seguridad sa Cagayan de Oro bisan mga lima ka bulan na ang milabay nga dunay nakitang mga presensya sa armadong mga tawo sa bukirang bahin ning syudad.
Gani, mihimo na usab sa pagbisita ang kapulisan sa mga dagkong unibersidad sama sa Xavier University, Capitol University, COC-PHINMA, University of Science and Technology in Southern Philippines, Capitol University ug uban pa.
Tumong niini nga makahangyo og suporta sa mga kabatan-onan ug mga magtutudlo aron malikay nga mabiktima sa recruitment sa New Peoples Army, matagaan og kasayuran bahin sa terorismo ug gipatumang security measures sa kapulisan.
Gikalipay usab ni Supt. Pontillas ang padayon nga pag-atiman sa lokal nga kagamhanan sa syudad sa mga kadalanan, tunghaan, paghatag health services ug uban pa.
Gipasabot niini nga ang kakulangon sa nasangpit nga mga serbisyo ang ginahimong rason sa mga gapangrecruit sa pag-aghat sa katawhan aron moapil sa walhong kalihukan.
