Davao City – Daku ang pagtoo sa Davao City Anti-Scam Unit nga dili gayud tanang kapital nga gi-invest diha sa mga investment schemes sama sa gihimong pag-refund sa Rigen Wellness 2.0 sa Tagum City.
Sumala ni Anti-Scam Unit Head Simplicio Sagarino, lisod na kini nga mahitabo ug posibleng mosangpot pa sa kagubot ilabi na kadtong mga dagku na ang pay in ug nagpaabot sa dakung pay out o refund.
Nagtoo si Sagarino nga usa lamang ka ‘delaying tactic’ ang himoong pag-refund or usaka legal strategy aron ang mga investors dili mopasaka og kaso batok sa mga nagdumala sa kwestionableng mga iskema.
Kahinumdoman nga sa kaso sa KAPA, kiha nga large-scale estafa ang giatubang karon sa mga kadagkuan niini lakip na si Joel Apolinario ug mga miyembro sa hunta-direktiba sa naasoyng organisasyon gumikan sa na-unsyame nga financial transaction.
RadyoMaN Bernard Pantallon
