Region 10, ika-pito sa listahan sa P-S-A nga dunay taas nga Inflation rate sa tibuok nasud

Ika-pito ang Region 10 nga dunay taas nga Inflation rate sa nasud nga mokabat sa 4.6 percent sa bulan sa Enero ning tuiga.

Sa lima ka probinsya sa rehiyon, dunay pinakataas nga inflation rate ang Bukidnon nga nakakuha sa 6.4 percent, gisundan kini sa Camiguin nga dunay 5 percent, Lanao del Norte nga dunay 4.5 percent, Misamis Occidental nga dunay 4.2 percent ug pinaka-ubos ang Misamis Oriental nga dunay 3.6 percent inflation rate.

Nasayran nga dunay pinakataas nga inflation rate ang mga alcoholic beverages ug tabako nga mokabat sa 12.8 percent.

Sunod usab niini ang mga restaurant ug uban pang Miscellaneous Goods and Services nga mokabat sa 8.2 percent.

Ang maong datus ang gipagawas sa Philippine Statistics Authority o P-S-A.