Nailang 5th highest employment rate o daghan ang dunay trabaho sa tibook nasud ang Region 10 base sa gipagawas nga preliminary result sa annual labor ug employment estimates sa tuig 2018.
Kini ang gibutyag ni Mam Brenda Lynn Castro, Supervising Statistical Specialist sa Philippine Statistics Authority Region 10.
Matud ni Castro nga anaa sa 95.9 percent ang annual employment rate 2018 sa rehiyon kumpara sa employment rate sa 2017 nga mitala lang og 94.7 percent.
Apan sa laing bahin gibutyag usab niini nga ang rehiyon naila nga 5th highest underemployment rate sa 2018 nga nagpasabot matud pa nga daghan ang nanginahanglan og dugang trabaho bisan og aduna nay trabaho lakip na dugang oras sa pag-trabaho.
Nasayran nga ang rehiyon nakatala og 20.8 percent nga underemployment rate mas taas pa sa 18.6 percent nga natala sa tuig 2017.
