Koronadal City—Mokabat na sa kapin 6 mil ka mga buhing baboy ang napadala sa Department of Agriculture ug mga hog producers sa rehiyon dose ngadto sa Central Luzon niadtong nakalabayng semana.
Kini ang kumpirma ni DA 12 Regional Executive Director Arlan Mangelen.
Pagpaklaro pa ni RD Mangelen nga nag-subsidize lang ang ahensya sa gasto sa transportasyon sa mga baboy aron dili motaas ang presyo niini pag-abot sa Luzon.
Dugang pa sa opisyal nga dili basta ang pagpadala ug baboy sa rehiyon ngadto sa Luzon tungod gipaagi pa sa ASF labortarory test ang mga baboy aron nga maseguro nga negatibo kini sa balatian.
Daku usab ang kontribusyon sa South Cotabato sa gipadala nga baboy sa Metro Manila tungod may mga dagkong hog producers sa probinsya.
Giseguro usab ni RD Mangelen nga may igo pa nga supply sa baboy sa Rehiyon luyo sa pagpadala ug supply sa Luzon.
