Davao City – Pasakaan og kaso ang ginsakpan sa Barangay Anti-Drug Abuse Councils (BADACs) sa pagpanguna sa Barangay Chairmen kung wala kini nagperform sa kampanya kontra illegal drugs sa ilang matag barangay.
Sumala ni Phillipine Drug Enforcement Agency (PDEA-XI) Regional Director Antonio Rivera, ang mopahamtang ug silot kanila mao ang Department of Interior and Local Government (DILG) pinaagi sa rekomendasyon sa City Anti Drug Abuse Council (CADAC), Municipal Anti Drug Abuse Council (MADAC) ingon man sa Provincial Anti Drug Abuse Council (PADAC).
Matud ni Rivera, denhe sa atong rehiyon aktibo ang tanang BADAC tungod kay kanunay ang ilang pakigtambayayong ug koordinasyon sa pagpanguna sa PDEA-XI.
Nagtoo ang director sa PDEA-XI nga sa laing rehiyon, dili tanang BADACs nag-perform.
RadyoMaN Bernard Pantallon
