Regional Child Labor Committee, gi-reactivate sa DOLE aron hingusgan ang kampanya batok child labor

Gi-reactivate sa Department of Labor and Employment kon DOLE ang Regional Child Labor Committee aron hingusgan ang kampanya batok sa child labor dinhi sa rehiyon.

Ang RCLC usa ka inter-agency group nga maoy mohimo sa inisyatiba ug stratehiya aron makunhuran ang insidente sa Child Labor.

Gipasabot ni DOLE-10 Technical Services and Support Division Supervising Labor and Employment Officer Arlyn Bael nga kabahin kini sa usa ka national strategic framework nga gituyo pagmugna aron mahimong gawasnon ang Pilipinas batok sa Child Labor.