Unom ka mga barangay sa Butuan City ang labing unang nadeklarang drug cleared alas dos kagahapon sa nahitabong meeting sa Barangay Drug Clearing Program, Regional Oversight Committee nga gipamoan ni PDEA Caraga Regional Director Aileen Lovitos. Kini ang gibutyag ni Dindo Abellanosa, Regional Information Officer sa PDEA Caraga.
Niya pa nga unom ka mga barangay gilangkuban sa San Ignacio, Lapu-Lapu, Golden Ribbon, Dagohoy, Urduja ug ang Brgy. Leon Kilat.
Sumala pa ang unom ka mga barangay ang mipasar sa evaluation ug assessment sa Regional Oversight Committee subay sa mga dokumentong gisubmite.
Gipasabot sa opisyal nga bisan pa man ug nadeklarang drug cleared ang maong mga barangay apan dili kini “forever” tungod kay ipailalom gihapon kini sa quarterly validation.
Mao nga nanawagan si Abellanosa sa publiko nga ireport sa PNP ug sa PDEA kung adunay nahibaloan nga nabaligya ug naggamit ug illegal nga druga sa mga barangay nga nadeklara nang drug cleared aron nga matagaan ug aksyon.
[image: pdea caraga.jpg]
