Regular employees sang syudad makabaton sang maayo nga bonus subong nga Disyembre

ILOILO CITY – Indi magnubo sa P17,000 ang mabaton nga bonus sang mga regular employees sang syudad subong nga Disyembre.

Ginalakipan ini sang P5,000 nga Productivity Enhancement Incentives ukon PEI kag dugang nga P12,000 para sa Collective Negotiation Agreement (CNA).

Suno kay Mayor Jose Espinosa III ang CNA kuhaon sa savings sang syudad sa personnel services.

Pahayag ni Espinosa possible pa nga magtaas ini depende sa makita nga savings sang syudad.

Ang CNA kabahin sang kasugtanan sang syudad sa mga katapo sang Resource Employees of City Hall ukon REACH.