General Santos City–Hapit nang mahuman ang ginapanday nga rehabilitasyon alang sa mga Children In-Conflict With The Law (CICL) sa Gensan.
Kini gibutyag ni Jocelyn Arazado- usa sa mga personahe sa CSWDO sa dakbayan sa Gensan.
Sumala niini nga anaa na sa 90 porsyento aron makompleto ug mahuman na ang maong pasilidad nga gitukod sa Barangay Sinawal ning dakbayan sa Gensan.
Ilang gilauman nga maka-operate na sila sa maong pasilidad karong umaabot nga bulan sa Mayo.
Dugang pamahayag ni Jocelyn Arazado nga 8 milyon pesos ang budget sa maong CICL Rehabilitation Center apan wala pay labot niini ang gastohon alang sa operasyon.
Aminado si Arazado nga gastos gyud mag-operate sa maong pasilidad apan kinahanglan matud pa kining himuon sa syudad tungod gimando kini sa balaud. (Jordan Britos)
