Nadugangan sang 36 ang kaso sang kumpirmado nga kaso sang COVID-19 sa rehiyon dose base sa datos sang Department of Health region 12 sang Setyembre 8, 2020.
Sa nasambit nga numero 30 ang nadugang sa South Cotabato, North Cotabato – 1, Cotabato City – 4 kag isa naman sa Gensan
May-angot sini, subong may-yara na sang kabug-usan nga 677 ang kumpirmado nga kaso sang COVID-19 sa rehiyon.
Samtang ang 30 nga nadugang sa confirmed cases sang COVID-19 sa South Cotabato ang halin sa Koronadal City nga may 22, Polomolok – 5, Sto.Nino , Tupi kag Tampakan may tig-isa nga kaso.
Base sa datos sang Integrated Provincial Health Office sang South Cotabato nagalab-ot sa 113 sa subong ang padayon nga naka-isolate sa diin 46 sa Koronadal City, Polomolok -33, Surallah -12, Tupi -10, Tampakan -3, Banga,Sto. Nino, Norala kag Tantangan may tig-duha kag isa naman sa T`boli.
Padayon naman nga ginaawhag ang katawhan nga hugot nga ipatuman ang mga health protocols kapareho sa pagsuksok sang face mask, isanitize ang kamot, likawan ang pagkapot sa mga butang, magdistansya sang isa ka metro kag hibaluon ang matuod nga impormasyon.
