General Santos City— Nagpabiling hapsay ug malinawon ang tibuok rehiyon 12 human mapatay ang miyembro sa Maute-Isis dinhi sa dakbayan sa Gensan milabay’ng semana.
Sumala kang Police Superintendent Aldrin Gonzales, tigpamaba sa Police Regional Office 12 nga sa karon, nagapadayon ang ginahimong pagmonitor sa kapulisan ug militar sa mga posibleng kaubanan ni Najib Pundog alyaas najib Hussein nga posibleng nagaplanong musulod sa rehiyon.
Apan iyahang gipaklaro nga adunay maayong koordinasyon ang kapulisan, militar ingon man ang mga sibilyan busa positibo siya nga wala nay musulod pa nga miyembro sa teroristang grupo sa rehiyon.
Samtang sa pagkustudiya sa asawa ni Abu Dar nga si Nasifah Pundog, gibutyag ni Supt. Gonzales nga sa karon, ilaha na kining gitugyan sa korte aron nga maka-pagawas ug commitment order.
Sumala niya nga ilaha na usab nga ginatun-an ang posibleng pagdugang ug deployment sa tropa sa Police Station 7 kung asa naka-detain ni Nasifa Pundog nga asawa ni Abu Dar nga aoy bag-ong lider sa Maute-Isis.
Pagpaklaro man usab niini nga andam kanunay ang kapulisan sa unsa mang posibleng resbak nga himuon sa grupo sa mga terorista.
