Nasungkit ni Reina de Jose Abad Santos Blessing Yacon ang korona isip Reina de Davao Occidental 2019.
Si Yacon nakigtiki sa lain pang Reina sa upat ka mga municipalidad sa probinsya sa Davao Occidental. Nalabni niini ang korona human kini mipakita sa iyang kaanyag, kahanas ug kalantip sa panghunahuna.
Nahimong 1st Runner Up ang Reina de Sta. Maria samtang nahimong 2nd Runner Up ang Reina de Sarangani.
Sa pakighinabi sa iFM 93.9 Davao kang Marivic Hubac, Executive Assistant to the Governor V sa probinsiya sa Davao Occidental, gisulti niini nga magsilbing ambassadress si Yacon sa Davao Occidental sa mga nagkadaiyang kalihukan dinhi ug mahatagan sab kini og higayon nga makampanya ang adbokasiya nga iyang gipanday.
Ang Reina de Davao Occidental nakadawat og P100,000 nga cash prize samtang P75,000 para sa 1st Runner Up, P50,000 para sa 2nd Runner Up ug consolation prize nga P30,000 each para sa non-winners.
Ang Reina de Davao Occidental usa ka highlight sa ika-4 nga selebrasyon sa Araw ng Davao Occidental. Kini gipahigayon sa New Malita Gymnasium niadtong Domingo, October 27, 2019.
