By: Nitz Arancon
Gipaminaw kagahapon sa Philippine Competition Commission, ang reklamo nila ni Councilor Teodulfo Lao Jr., Enrico Salcedo ug Reuben Daba, batok sa Joint Venture Agreement sa Cagayan de Oro Water district ug Metropac.
Mahinondoman nga gi-akusahan ni Lao, Salcedo ug Daba ang COWD ug Metropac, nga ilang gi-cartel ang pag-distribute sa tubig sa Cagayan de Oro, hinongdan nga ila kining gireklamo sa Phil. Competition Commission.
Gipangayo ni Lao, Salcedo ug Daba sa PCC, nga ibali wala ang Joint Venture Agreement sa COWD ug Metroc Pac, aron hatagan ug dalan ang cooperative sector ning syudad, nga mo-supply ug tubig sa Cagayan de Oro, sa barato lamang nga presyo, matag metro kubiko.
Sa pagsulat ning balita, wala pay report ang tulo ka mga councilors, unsay resulta sa ilang hearing kagahapon sa PCC, uban sa mga opisyal sa Metropac.
Apan kon si Daba ang pangotan-on, dili dapat i-cartel sa COWD ug Metropac, ang pag supply sa tubig sa Cagayan de Oro, kay na-a dinhi ang cooperative sector, nga andam mo-supply sa tubig pina-agi sa kooperatiba, nga dunay ilang initial investment capital nga mokabat sa kapin kon kulang 30 billion pesos.
