TACLOBAN CITY – Dumaop ha RMN Tacloban an pira nga estudyante han Leyte Normal University (LNU) para magpadangat hin ira reklamo.
Diri daw hira gintatagan hin Good Moral Character certificate ngan diri daw liwat ginpipirmahan an ira clearance han mao nga Unibersidad tungod nga gincriticize nira an nahinabo nga JS Prom dida han nakalabay nga tuig kun diin pan-os daw an ginpan-serbe nga pagkaon.
Na-ospital pa daw an pira nga estudyante nga nangaon durante han JS Prom.
Sumala han nagreklamo, diri nala ba hira pwede nga magreklamo o magcriticize ha Public School.
“Mayada man ada kita freedom of expression, kay ano nga nagpost kami ha facebook nadiri hiya. Ibig sabihin diri na ngayan kami pwede magcriticize ha eskwelahan kay tungod nga nagpost kami hin sugad hiton, where is justice?”
Mismo nga nakahimangraw ko an Presidente han LNU nga hi Dr. Jude Duarte pero waray na hiya magparecord ngan magpa-interview ha radyo, sumala ha iya, diri hiya maaram nga may nahihinabo nga sugad hini ha sakob han Unibersidad.
Iya daw liwat ini papanginanuon ngan maka-istorya an mga estudyante.
Kakaistoryahon liwat niya an mga personlidad nga diri napirma hin clearance ngan diri nahatag hin Good Moral Character certificate.
Kami naman didi ha RMN, naghahangyo kami kan duarte nga laksion ini nga proseso kay nangradwar na ini nga mga estudyante pero waray nira kakuha an mga dokumento nga ira ginkikinahanglan.
