Davao City – Giklaro karon sa Philippine Institute of Volcanology and Seismology (PHIVOLCS) nga walay koneksyon ang linog sa pagbuto sa bulkan sama na lamang sa nasinatian nga 6.6 magnitude nga linog dinhi sa Mindanao partikular na sa Tulunan, North Cotabato.
Sa interbyu sa DXDC RMN Davao kang Kristofferson Vidad, Science Research Assistant sa PHIVOLCS-Davao, gibutyag niini nga sa pagkakaron, ang hinungdan sa mga linog mao ang tectonic movements tungod sa mga faults nga anaa sa usa ka lugar ingon man sa mga faults bag-ohay lang usab nadiskobrehan.
“Hindi natin yan nakikita sa ngayon. Ang dahilan ngayon ay ang mga existing fault and even merong mga faults na hindi nadi-diskobre,” saysay ni Vidad.
Pagpasabot ni Vidad nga sagad hinungdan sa pagboto sa bulkan mao ang pressure sa magma sa sulod niini ug dili tungod sa linog kun pagtay-og.
“Normally kasi, ‘yung volcanic kasi ay nati-trigger sa magma. So ‘yung sa ilalim ng volcano talaga,” tataw ni Vidad.
Gipasabot sa pagtuon sa mga eksperto nga kung padulong na gayud nga muboto ang bulkan ug kung mudungan ang paglinog, posibleng mas makatabang kini nga mapadali ang pagboto niini apan dili maingon nga linog ang hinungdan sa pagboto sa bulkan.
RadyoMaN Kirby Manzon
