Negros Occidental – Ipadayun ang maayo nga relasyon sang Negros Occidental kag Negros Oriental bisan pa nga gindula ni Pangulong Rodrigo Duterte ang Executive Order 138 ni anay Pangulong Benigno Noynoy Aquino nga naga tukod sang Negros Island Region (NIR).
Ini ang panawagan ni Negros Occidental Vice-Governor Eugenio Jose ‘Bong’ Lacson kadungan sa pag-upod sa sentimento sang taga-Negros nga nagakasubo sa hitabo.
Ang pagrevoke sang Negros Island Region klaro suno kay Vice-Governor Lacson ang naga pakita nga indi priority sang presidente ang ini nga direksyon.
Para naman kay Senior Board Member Salvador Escalante ang pagrevoked sang Negros Island Region sang Presidente Duterte ang klaro ang may bahid politika ina bangod man pierde si Duterte sang 2016 election.
Samtang, ginarespito ni PDP – Laban NIR 18 Secretary General Yvez Akol ang desisyon ni Presidente Rodrigo Duterte ang Executive Order ang pagrevoke sang Executive Order 138 ni Presidente Benigno Aquino nga nga tukod sang Negros Island Region.
Suno sa iya ang matabu diri nga mapaidalum na sa Region 6 kag 7 ang mga PDP laban members halin sa NIR.
Magluwas sini wala na sya nakahibalo kun ano pa ang masunod nga matabu sa ila.
Pero bangud maayo sila nga mga soldado ini sila ang maga sunod nalang kun ano ang iga mandu sa ila.
Sa bahin naman ni Bacolod Lone District Congressman Greg Gasataya , “Life must go on”.
Para kay Gasataya respitohon na lamang ang desisyon sang Presidente sa kapalaran sang NIR kag ang maayo nga himoon amo nga magmove-on nalang ang mga Negrense apisar nga ginbungkag na ini.
Para naman kay Vice Mayor Elcid Familiaran nga wala sang politika ang pagrevoke ni Pres. Rodrigo Duterte.
Suno Vice-Mayor nangin prioridad lang ang administrasyon ang Free Tertiary Education program kaysa Negros Island Region.
Paagi sa Executive Order No. 38, ginapabalik ni Duterte ang Negros Occidental sa Region 6 kag Negros Oriental sa Region 7.
