TALISAY CITY – Ginkalipay sang mga priso sang Talisay BJMP ang paghapit sang milagroso nga relics ni St. Therese of the Child Jesus sa prisohan.
May yara nga naghibi, bangud suno sa ila bisan pa nga sila may ginapangatubang sila nga kaso sa gihapon wala sila nalipatan nga mangin kabahin sang rota sang relics.
Nagpaambit man sang eksperyensya ang duha ka mga babaye nga priso nga lunsay may kaso nga paglapas sa Republic Act 9165 ukon ang Dangerous Drugs Act of 2002.
Suno sa ila nga nagmag-an ang ila ginabatyag sang ila nakit-an ang ginasudlan sang relics kag wala nila napunggan ang paghibi.
Ang duha ang masobra na sa apat ka tuig sa bilangguan.
Ginpangako naman sang duha nga kun mahatagan sila sang tsansa nga makagwa, tadlungon na nila ang ila pagpangabuhi sa ubay ni St. Therese.
Ang relics nagtinir lamang sang kapin isa ka oras sa prisohan kag gilayon ini nga gin dala sa San Sebastian Cathedral para sa isa ka misa kag vigil tubtob las 10 ang takna kagab-i.
Subong nga adlaw pagadal-on naman ini sa Bago la una sang hapon kag las 4 sa San Enrique.
Sa April 15, ini ang magatinir sa Carmelite Monastery kag pagkaaga magabiya na sa Bacolod padulong sa Archdiocese of Jaro sa Iloilo. /Grace Supe photo
