Davao City – Angay sumala pang mahatagan og solusyon ang kabutangan kun relokasyon sa mga biktima sa nahitabong paghapak sa Monsoon wave nga gikaguba sa mga balay sa Matina Aplaya sakop sa Dumalag area ning syudad.
Sa interbyu sa DXDC RMN Davao kang Kagawad Danny Reponte sa Matina Aplaya, gibutyag niini nga gitambag kanila ni Alfredo Baluran, hepe sa Davao City Disaster Risk Reduction Management Office (CDRRMO) nga kung ma-identipika na nga delikado nga area dapat na kining dili puy-an pagbalik.
“Ang iyaha gyong instruction sa amua ug sa mga tawo, ang kadtong naguba dili na gyud pabalikan. Ang kadto pong wala natukuran nga bakante diin identified nga hazard kapuy-an, dili patukuran,” saysay ni Reponte.
Saysay ni Reponte nga sa lugar, anaa sa 62 ka balay ang naapektuhan diin 42 niini ang partially damaged ug 14 ang totally damaged.
Hinuon, aduna nay gipaabot nga pasiunang tabang ang City Government of Davao alang sa mga biktima.
“Ang atoang Vice Mayor naghatag. Generic ang iyang hatag niadtong panahona. Mihatag siya og tunga sa sako nga grocery ug kwarta,” saysay niini.
RadyoMaN Kirby Manzon
