Ang pagpangita og relokasyon ang sulbad sa problema sa mga residente sa Purok 12, Barangay Tablon ning syudad.
Kini ang gibutyag ni Cagayan de Oro City Mayor Oscar Moreno sa interview ni RadyoMaN Zaldy Ocon sa programang Kuskos Batikos 2nd edition sa dxCC-RMN Cagayan de Oro.
Matud sa mayor nga dugay na nga problema ang giatubang karon sa mga residente ug ang paghangyo sa lugway temporaryong sulbad lamang sa maong demolisyon.
Angay matud pa nga kung dunay ihatag nga relokasyon ang tag-iya sa maong yuta, igo na lamang sab dayon sa pagdevelop ang lokal nga kagamhanan.
Tumong niini nga makapuyo ang mga apektadong residente nga dili usab mamiligro sa lugar kung asa sila ibalhin.
Mahinumduman nga kaganihang buntag, gisugdan na sa pagdemolish ang kapin napulo sa 240 ka balay nga naa sa Purok 12, Barangay Tablon diin ang yuta gipanag-iyahan sa usa ka korporasyon.
By: RadyoMaN Annaliza Amontos-Reyes
PC: RadyoMaN Jao Gumapac
