Ginahatagan prayoridad karun sang Land Transportation Office (LTO) Bacolod ang renewal sang mga registration nga nag-expire sang nagligad nga bulan sang Marso kag Abril sa ila pagbalik-operasyon.
Nagligad nga Mayo 20 sang nagbalik ang operasyon sang LTO Bacolod kag suno sa pamuno sini nga si Reuben Tampos, ginahatagan nila prayoridad ang renewal sang mga registration sa mga plaka nga nagatapos sa numero 3 kag 4, kag wala man sila nagapanukot sang penalties.
Gin-confirm man ni Tampos nga ang mga nakapa-smoke emission test nga nag-expire bangud sang ginpatuman nga Enhanced Community Quarantine (ECQ) kag General Community Quarantine (GCQ) ang ila lang gihapon ginabaton.
Bangud man sang mga health protocols nga ginapatuman karun agud mapunggan ang paglapta sang coronavirus, by batch ang pag-akomodar sang mga kliyente sa opisina sang LTO. Nagapatuman ang LTO Bacolod sang online appointment antis mag-transact sa ila opisina.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
