Ang balaod nagtinguha nga makatabang sa mga pamilyang anaa nagpuyo sa mga delikadong dapit, nawad-an og pinuy-anan tungod sa mga kalamidad, ug lakip na kadtong wala gyud makabaton og balay.
Panghinaut sa usa ka dabawenyong si Bernardo Calio nga taga Subasta, Calinan nga unta maaprobahan na kini sa mas daling panahon tungod matud pa niya dako kaayo kining tabang sa mga pamilyang sama niya nga anaa sa bahaunon nga dapit ug nagarenta lang.
“Kung muepekto na ni, unta tan-awon pag maayo sad sa gobyerno kung kinsa ang gyud ang pinaka tabanganan kay basig mas makasulod noon tong naa sa maayong kahimtang.” dugang pa ni Calio.
Magpadayon ang financial aid sa panahon nga maaprobahan na kini hangtod sa higayon nga mapahiluna na sa gobyerno ang mga informal settlers.
RadyoMan Ivy Parido
