Gipaabot sa dxCC-RMN ngadto kang Major Rodulfo Cordero Jr., ang Spokesperson sa 4th Philippine Army ang nasangpit nga recruitment report.
Matud ni Major Cordero nga kung recruitment sa New Peoples Army kon N-P-A ang hisgutan, nikunhod na kini karong panahona gani sa milabayng mga bulan walay reported nga adunay na recruit nga mga kabatan-onan.
Apan giklaro ni Major Cordero nga sa bag-o nga report sa Opol, Misamis Oriental bag-o kini nga iyang nadungog, busa iya kining tagaan og atensiyon.
Nasayran nga iya kining ipa-doble check aron maklaro ang maong report ug kung asa kini padulong.
Gibutyag ni Major Cordero nga ang pamaagi sa recruitment sa N-P-A pinaagi sa monetary support.
Matud ni Major Cordero nga kasagaran niini, mao ang paghatag og 10 mil pesos sa ilang ma-recruit.
Apan giklaro ni Major Cordero nga dili angay motuo sa maong pasalig, tungod kay kausa ra kini mahitabo ug wala nay mosunod pa nga hatag.
Nasayran nga kung makasulod na sa grupo sa N-P-A, dili na basta-basta nga makagawas sa grupo kay hadlokon na niini nga patyon ang usa ka indibidwal.
