South Cotabato- Gipaklaro sa Integrated Provincial Health Office (IPHO) sa South Cotabato nga nagpabiling coronavirus disease 2019 (COVID-19) Free ang probinsya sa South Cotabato.
Matud ni Provincial Health Officer Dr. Rogelio Aturdido Jr. walay kamatuoran ang mga nagkatag nga impormasyon sa social media nga kuno may nagpositibo na sa COVID 19 sa probinsya.
Sa karon aduna lay usa ka patient under investigation (PUI) ang naka-isolate sa usa ka ospital sa South Cotabato.
Usa kini ka OFW nga nag gikan sa nasud Hongkong nga taga Norala, miabot kini sa probinsya niadtong Marso 3 apan nakasinati ug ubo hinungdan nga gidala kini sa ospital pipila ka adlaw human kini miabot sa ilang lugar.
Nakuhaan nag samples ang maong pasyente ug gipadala na sa Research Institute for Tropical Medicine (RITM) ug sa kasamtangan ila nalang ginahuwat ang resulta sa test niini kansa gilaumang mugawas karong adlawa o dili ba kaha sa adlawng Domingo.
Nasayran nga sa South Cotabato pito nalang ang ilang person under monitoring (PUM), ang mga nahisgutan wala nakitaan ug unsa mang sentomas ug usa ang ilang PUI.
Panawagan nalang ni Dr. Aturdido sa mga residente nga dili tuohan ang mga nagkatag nga report sa social media kalabutan sa COVID-19 inay bugtong tuohan nga report lamang mao ang mga impormasyon nga ang source DOH o dili ba kaha mga impormasyon nga ginapagula sa mga health Offices sa ilang lugar.
