Naglab-ot na sa 5,700 ka mga Overseas Filipino Workers – OFW nga nakapa-uli sa syudad sang Bacolod sumugod nagpatigayon sang repatriation ang gobierno angot sa mga Pinoy abroad nga nawad-an sang trabaho bangud sang Covid-19 pandemic.
Suno sa head sang action team on returning-OFWS – Councilor Israel Salanga nga nagapadayon ang ila pag-sugat sang mga naga-abot nga returning overseas Filipinos apisar nga Paskwa bangud man nga wala gin-aprubahan sang National-IATF ang request nga moratorium.
Paathag ni Salanga gina-hulat pa nila kon aprbuhan ang moratorium sa maabot nga Disyembre 31 kag Enero 1 apang kon wala diri sang sabat ang national government, nakahanda naman ang iya nga team agud nga mag-sugat sa mga returning-OFWs.
Sa pihak nga bahin, wala gin-aprubahan sang National-IATF ang request sang Bacolod nga moratorium ukon indi anay pagbaton sang mga sweeper/specials flights sakay ang mga returning overseas Filipinos sini nga holiday team.
Sabaylo wala untat ang pag-sugat sang action team on returning OFWS sa Bacolod-Silay Airport apisar nga Paskwa.
Sang December 24, kapin sa 30 ka mga OFWs ang nag-abot samtang kagab-e , kapin sa 30 man ka OFWs ang nag-abot pina-agi sa sweeper flight.
Wala man sang pagbag-o sa health proctocols sa diin gina-home quarantine ang mga naga-abot nga OFWs, apang gina-check sagihapon ang ila papeles kon taga-syudad sang Bacolod kag kon lehitimo ang ila swab test result.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
