Rescue ops sa lalaking giingong nalumos ug na-missing sa Montevista, nagpadayon

Davao City – Nagpadayon karon ang gihimong search and rescue retrieval operation sa usa ka lalaking giingong miambak gikan sa hanging bridge sa Purok 5, Barangay New Visayas, Montevista, Davao de Oro, alas 8:00 sa gabii niadtong Marso 13, 2023.

Sa interbyu sa DXDC RMN Davao kang Police Captain Alvin Atienza, Acting Chief of Police sa Montevista Municipal Police Station (MPS), giila niini ang na-missing nga biktima nga si Itok Samillano, 58 anyos, residente sa P-6, Barangay Banag-Banag, Montevista, Davao de Oro.

Saysay sa pulis, hubog ang biktima gikan og lamay ug sa pagtabok niini sa tulay didto na nakit-an nga kini kalit nga miambak.

“Gikan daw ‘to (ang biktima) sa patay (lamay) unya hubog. Kadtong iyang ig-agaw, si Roger ang nakakita (sa insidente). Wala na sila nakabalo kung nganong miambak. Malapit lang yung hanging bridge doon sa lamay,” saysay sa pulis.

Gilayon usab nga gipangita ang biktima pinaagi sa pagtibangay sa kapulisan, Municipal Disaster Risk Reduction and Management Office (MDRRMO) ug uban pang volunteers.

Sa mga nakakita, giawhag nga makig-alayon sa awtoridad o sa Montevista Municipal Police Station (MPS) pinaagi sa pag-text o tawag sa 0949 817 9845.

RadyoMaN Kirby Manzon