Ginmandu karon ni Gov. Bong Lacson ang temporaryo nga pagpasira sang mga beaches kag resorts nga ginapanag-iyahan sang provincial government para sa security and safety sang tanan batuk sa COVID-19.
Suno kay Provincial Tourism Officer Jennilind Corder nga ini matapos naghatag sang instruction si Gov. Lacson sa tanan nga tourism officers sang mga LGUs nga may mga resorts nga ipasira anay ini.
Ini ang bilang preventive measure agud indi na maglapta pa ang coronavirus disease (COVID-19) sa probinsya.
Lakip sini nga mga beaches kag resorts ang yara sa Himamaylan City, Buenos Aires sa Bago City, Guintubdan sa La Carlota City, Gawahon sa Victorias City kag iban pa.
Samtang lakip man sa mandu sa tanan nga mga local tourism officer ang pag-monitor sang mga accommodation facilities sang mga resorts kon bala may tikang sila nga ginapatuman batuk sa virus.
Ini nga mando para sa security and safety sang publiko nga naga kadto sining mga beaches and resorts nga ipa sira anay temporaryo para malikawan ang corona virus.
[image: image.png]
