General Santos City–Posible nga usa ka organisadong grupo ang mga suspect sa serye sa pag-atake sa basag kotse sa area of responsibility sa Police Station 3.
Sumala pa ni Police Major Peter Pinalgan Jr. ang hepe sa Police Station 3 nga sa ilang nahimong pagsuta sa mga insidente sa basag kotse posibleng usa lang ka grupo ang responsible niini tungod kay pareho lang ang pamaagi sa paglungkab sa sakyanan sa mga biktima.
Dugang pagbutyag ni Police Major Peter Pinalgan nga kung kaniadto sa Tiongson ug G. Misa street kanunay mahitabo ang maong insidente sa kasamtangan sa laing lugar na usab ginahimo sa mga suspek ang pagpanglungkab sa mga sakyanan.
Sa karon padayon pang ginaila sa kapulisan ang mga suspetado aron nga mapasakaan ug kaso. (Dave Silagan)
