Davao City – Tungod sa nagpadayong pandemya walay ipahigayong mga aktibidad sa gawas sa simbahang Katoliko karong Semana Santa 2021.
Sa interbyu sa DXDC RMN Davao kang Msgr. Paul Cuizon, Vicar General Archdiocese of Davao, walay himuong mga aktibidad aron walay magtapok nga mga parokyano ug estriktong ipatuman ang minimum health protocols.
Gibutyag ni Rev. Cuizon, wala gihapoy Visita Iglesia atol sa Huwebes Santo, Way of the Cross sa Biyernes Santo ug Sugat sa Easter Sunday.
“Daghan nga mga kongkretong mga butang ang dili nato ipahigayon nga naandan nato matag Holy Week because of the pandemic,” sumala niini,” matud ni Cuizon.
Giawhag niini ang katawhan nga mulantaw sa mga misa sa Semana Santa sa online. Abli usab ang Simbahang Katoliko alang sa mga buot manimba.
Hugot ang pag-obserba sa mga health protocols sama nalang sa pagbutang og mga markings sa lingkuran alang sa 1 meter physical distancing ug limitado lang sa 50%, ang makasulod sa simbahan.
RadyoMan Aimee Guinita
