Gihulat pa sa kapulisan sa Agora ang resulta sa paraffin test sa usa ka pulis nga gireklamo nga nanumbag og nagpabuto og armas niadtong Biyernes sa gabie.
Kini ang gibutyag ni Agora Police Station Commander Police Chief Insp. Allan Curato sa interview sa dxCC-RMN.
Matud ni Curato nga ila nang gibuhian si PO3 Zosimo Haclad Jale nga nadestino sa City Public Safety Company ug nagpuyo sa Barangay Gusa ning syudad.
Kini human dili na interesado nga mopasaka og kaso ang 19 anyos nga complainant nga si Alex Magdayag, ulitawo ug silingan ra sa maong pulis.
Sa kabahin ni Cagayan de Oro City Police Office Spokesperson Police Chief Insp. Mardy Hortillosa nga sila na ang magpasaka og kasong administratibo batok kang PO3 Jale kung dunay motindog nga witness ug magpositibo kini sa paraffin test.
Sa karon, gibawi una sa COCPO ang gi-isyu nga armas ngadto kang PO3 Jale.
By: Annaliza Amontos-Reyes
