General Santos City— Patay ang usa ka retired army human matud pang misukol sa gipahigayong anti-drug operation sa kapulisan sa may Brgy. Batulawan, Pikit, North Cotabato alas 3 ang takna sa kadlawon.
Ang namatay nailang si Ibrahim ‘Tayan’ Matalam Ayunan, 57-anyos nga residente sa nasangpit nga lugar kung asa mi-aksyon matud pa kini nga pabuthan ang miyembro sa raiding team.
Narekober sa posisyon niini ang usa ka caliber 9mm KG9 mga bala kung asa gilayon kining gidala sa balay tambalanan apan gideklara kining dead on arrival. Kahibaluan nga una ng nagpahigayon ug operasyon pinaagi sa pagserve ug 11 ka mga search warrant ang kapulisan dihang mapatay ang nasangpit nga retired army.
Samtang malampusong naaresto si Salaban “Bani” Sapalon Talusan kung asa nakuha gikan sa iyahang panimalay ang usa ka unit sa caliber 30, M1 garand rifle ug managlahing bala.
Hustisya karon ang singgit sa kabanay sa nadanpit nga retired army kung asa nadunggan matud pa nilang gibutyag sa kapulisan nga sayop ang balay nga ilahang gisulod.
Pagpaklaro sa kabanay nga aktibo ang nahisgutan sa mga programa sa kapulisan batok illegal nga droga rason nga dakong sayop matud pa ang nasangpit nga operasyon sa kapulisan.
