Pagadian City – Gitanyag karon mga kasama sa Provincial Government sa pagpangulo ni Zamboanga del Sur Governor Victor Yu ang reward nga 100, 000 ngadto sa mga makahatag ug impormasyon sa mga otoridad, kon aha man gatago ang piniresong nakasibat sa Zamboanga del Sur Provincial Jail.
Kagahapong adlawa nasayran nga naka-escapo gikan sa maong presohan ang piniresong gangalan ug Vernaldo Reponio Batomalaque nga na-convicto sa mga kasong paglapas sa RA 9165 kon “Comprehensive Dangerous Drugs Act of 2002”. ug RA 10591 kon “Comprehensive Firearms and Ammunition Regulation Act”.
Gilayon nga gi-relieve ang warden sa maong presohan ug ipailalom kini sa imbestigasyon lakip ang tanang personahi sa Zamboanga del Sur Provincial Jail.
Sa ulahing datus nga atung nakalap padayon pa karon ang gilusad nga operasyon sa mga kapulisan ning syudad aron masakpan pagbalik ang nakasibat nga piniriso. CCTO
