RIAS XI abli sa kinahanglanon sa imbestigasyon batok sa duha ka pulis nga nadakpan sa alegasyong pagpanulis sa Gensan

Davao City- Susihon sa Regional Internal Affairs Service ( RIAS ) XI kung aduna bay laing mga rekords ang duha ka mga pulis kinsa nadakpan sa alegasyong pagpanulis sa General Santos City.

Sa eksklusibong interbyu sa RMN Davao kang PBGEN Oscar Nantes, RIAS XI Regional Director, ang RIAS 12 ang muhawid sa kaso niini tungod ilaha kining hurisdiksyon.

Matud ni Nantes, andam sila nga itunol kung unsay available nga records sa ilang buhatan nga mamahimong makatabang sa imbestigasyon batok sa maong mga membro sa DCPO.

Nahibaluan nga sumala sa NAPOLCOM Memo Circular 2016-02, ang IAS sa Region 12 maoy adunay hurisdiksyon sa kaso.

Nakatutok ug nakamonitor ang RIAS 11 sa maong kaso nga gilambigitan sa duha ka mga pulis nga nadestino dinhi sa Davao Region.

Human sa insidente gilayong gi-relieve na ni PBGEN Benjamin Silo Jr., Regional Director sa Police Regional Office 11 ang mga suspek nga sila Chief Master Sergeant Renante Medina sakop sa Foot Patrol and Bike Unit ug Master Sergeant Christopher Ararao sa Bunawan Police Station.

Hugot nga nagpahimangno si Nantes sa tanang pulis sa tarungon ang pagserbisyo sa katawhan ug dili malambigit sa mga illegal activities.

RadyoMaN Aimee Guinita