Patay na nga nahidangat sa Butuan Medical Center (BMC) ang driver sa Honda XRM motorcycle nga nibangga sa lubot sa usa ka Fish Carrier diha sa Brgy. Libertad ning syudad sa Butuan kaganinang kaadlawon.
Giila ang biktima nga si Bobby Lumoya, 23 anyos taga Brgy. Abilan, Buenavista, Agusan del Norte samtang ang nagmanehu sa Fish Car naila usab nga si Noel Basiluña, 36 anyos ug taga Basilan.
Asoy ni Basiluña nga paghidangat niya sa may tulay nga bahin padulong sa Damayan, Libertad iyang nagpadaplin siya pa-right turn aron e-check ang makina sa sakyanan apan kalit lang adunay nibuto sa likod nga bahin ug didto na iyang nakita ang motorsiklo nga nibangga ug nagbuy-od ang driver niini.
Gidala sa BMC ang biktima apan gideklarang dead on arrival sa attending physician nga si Dr. Padilla.
Si Noel Basiluña, ang driver sa fish car sa iyang pamahayag sa interview sa RMN DXBC Butuan.
Sa karon gipasalak sa karsel sa Butuan City Police Station 3 ang suspek ug gihikay na ang kasong criminal nga ipasaka batok kaniya Rota’ng Basilan, Cagayan de Oro, Butuan, Surigao city ug Tacloban ang nasangpit nga Fish Car (with report archer capadeso/ivy falcone)
