BACOLOD CITY – Nabiktima sang hold-up ang duha ka mga taga-Bohol kahapon sang aga sa Brgy. Villamonte, ciudad sang Bacolod.
Nakilala ang mga biktima nga sanday Wilma Dal, 42 anyos ang edad, single, pumuluyo sang Jagna, Bohol kag Maricris Casol, 27 anyos, kasado kag pumuluyo naman sang Tubigon, Bohol.
Nagpadulong ang duha ka biktima sa Police Station 4 agud magpa-blotter nga pasado las 3 kahapon sang aga nagpadulong ini sila sa Philippine Statistics Authority (PSA) sa Brgy. Villamonte para sa paghikot sang ila dokumento.
Suno sa duha nga matapos nakakuha sang priority number, ini sila ang nagtindog sa sidewalk sang hinali lang nga may nagpundo sa ila nga isa ka wala makilala nga lalaki sakay sa motorsiklo kag nagtaya sang pusil.
Pwersa nga ginkuha sang suspek ang ila cellphone nga nagabalor tanan sang kapin P11,000 pesos kon sa diin gilayon nga nagpalagyo ang mga suspek.
Nakilala sang mga biktima ang suspek pinaagi sa Rouge Gallery sang Station 4 nga amo si Jason Benal, 35 anyos ang edad kag pumuluyo sang Purok Cereza 2, Brgy. 27./dyHB BACOLOD
