Napatay sa ambush ang gillang right hand ni Franz Sabalones samtang luwan kini sa patrol car sa Cebu Provincial Police Office sa Barangay Bulasa, lungsod sa Argao alas 10:30 kaganinang buntag ,Enero 9 .
Ang napatay mao si Tocelio Ababon , kadtong nadakpan sa anti-drug operation sa Provincial Intelligence Branch sa CPPO niadtong Disyembre 29, 2018 ug nakuhaan ug kapin sa P10 milyon nga balor sa shau .
Ang duha ka polis nga kauban ni Ababon nga sila si PO3 Roel Patalinghug ug PO3 Crescenciano Alajid wa hinooy tatsa tungod kay nagsul-ob kini ug bullet-proof vest atol sa ambush .
Tulo ka riding in tandem ang nag-atang sa ilang gisakyan sa Barangay Bulasa ug dayon gipaarakan kini sa mga armadong lalaki .
Si Ababon gikan sa bilangguan ug dalhon unta sa korte sa Poblacion alang sa husay sa kaso niini .
Kung kahinumduman sa pagkasikop ni Ababon aduna kini gipanganlan nga pipila ka polis nga giingong protektor sa ilang ilegal nga negosyo .
Subay niini ang hepe sa Police Regional Office-7 nga si Chief Supt. Debold Sinas nimando sa kapolisan sa Argao sa pagpalawom sa imbistigasyon sa maong hitabo .
