TACLOBAN CITY – Kakulangan hin classrooms ini an rason kun kayano diri na makakaakomodar hin iba pa nga enrollees an Rizal Central School ha Tacloban.
Sumala han Principal han mao nga eskwelahan nga hi Greg Galos, puno na an standard class size ha Rizal Central School nga ginpapatuman han Department of Education (DEPED).
Basi man gud ha statement han DEPED, 40 nga estudyante la dapat an sulod ha kada classroom o section, paglumampas na hini diri na igintutugot han ahensya.
Aminado naman an DEPED Tacloban nga waray kasunod an localization kun diin an mga estudyante nga naukoy ha kada lugar in didto la dapat maeskwela.
Sumala han DEPED Tacloban, waray hira kontrol ha mga kag-anak kun diin nira gusto igpa-enroll an ira mga anak.
Nagpapadayon pa iton pag-akseptar hin enrolees an kada eskwelahan ha Tacloban pero sumala kan galos igpa-enroll an mga kabataan ha eskwelahan nga mayada pa nabibilin nga slots.
