*ISSUE:*
CITY COUNCILOR FRANKLIN GACAL, MI-BAROG NGA ILLEGAL ANG OPERASYON SA STL SA GENSAN, MAYOR RIVERA UG ADVISER GIBAHARANG KASOHAN.
…………………………………………………………………
Subling nabutang sa init nga bangko ang lideratu ni GenSan City Police Office City Police Director Sr/Supt.Romeo Roel Berango tungod sa gihimong operasyon batok Small Town Lottery kon STL sa syudad. Matud pa ni City Councilor Franklin Gacal nga iyang subling ipatawag ang OIC City Police Director Berango, uban ang mga personahi sa kapulisan nga mipahigayon ug operasyon. Dugang ni Gacal nga dapat i-explain sa lideratu sa GSCPO ang laban bawi nga operasyon batok STL nga mang dakop unya buhi-an ang dinakpan, subling gibarugan ni Konsehal Gacal nga illegal ang STL operation tungod kay angayang ipatuman ang bag-ong Gambling Law kay sa karaang balaud nga maoy gibasihan sa Philippine Charity sweepstakes Office o PCSO. Gikahibulong usab ni Gacal ang pahayag ni Col.Berango nga wala siyay gi- hatag nga order sa mga station commanders nga manakop batok STL samantala walo ka mga usher ang nadakpan unya kwestionabli pa kay gibuhi-an gilayon unya kulang ang gibalik nga kwarta nga gikumpiska atol sa gihimong pagpangdakop. Sa maong pamahayag nagbaud usab si Konsehal Gacal, nga iyang kasuhan si Mayor Ronnel Rivera ug iyang adviser kong dili ma plastar ang operasyon sa Small Town lottery sa General Santos City.
Naku daw sa wala pa gihapon ma-plansa ang sigalot aning STL issue sa syudad ubos sa TRENTO Gaming Corporation, suportado man unta ni sa LGU pero wala pa gihapon ma plastar pila raman pag sumite ug concurrence raman unta ang gikina- hanglan gikan sa City Mayor’s Office to City Council ngano kaha nga dili man gyud ni mahimo aron matapos kon legal o illegal ang operation kay sa ubang syudad naa naman ning Small Town Lottery.
Ang patotsada ni Konsehal Gacal, gitubag gilayon ni GenSan City Police Office OIC Director Sr/Supt. Roel Berango , atol sa Press conference kagahapon sa City Hall gitataw ni Berango nga wala siyay mando nga dakpon ang STL Outlet tungod kay may authority to operate ang PCSO sa STL, gi-klaro usab ni Berango nga may iyang mando alang sa intensive gambling operation apan walay labut ang STL kay gihimo pa ang negosasyon tali sa City Government ug PCSO busa dihang nasayran niini nga may gidakop nga STL usher gilayon kining gibuhi-an. Gipa-imbestigahan usab ni Berango kon asa gikan ang order pagpangdakop sa STL outlet ug milutar nga si Supt. Edgar Yago –chief operation, ang mimando sa mga station commanders aron himoon ang pag pangdakop busa gumikan niini dismayado ang OIC City Director ug gi-endorso ang pagpa relieve sa pwesto gumikan sa pagbuot-buot ug desisyon nga –ronda ang STL Outlet .
Maka pang limbawot sa balhimo ang pag-angkon ni Col.Berango nga may politika usab sa PNP, buot ipasabut nga sa hanay sa PNP ma-PNCO ug PCO officers may away-away usab o initan? Unsaon pagtulin sa ilang serbisyo labina sa hisgutanan sa seguridad ug peace and order nga sa ilang hanay gubot pas lukot? Diha makita ang imong pagka maayong laki Col.Berango sir,kay ang Hepe sa Kapulisan sama na sya sa manager, tanang aspeto imong kargo dili lamang sa operation nga aspeto,pati human resource,budgeting, planning imong command of responsibilities lakip gani ang moral enhancement lakip na sa imong responsibilidad kon ang imong opisyal ug personnel dili nimo ikasabut dakong kawad-on na sa imong pagka lider sa City PNP Col.Berango, wala ka gina-respito sa imong pagka City Police Director? Gipa- salig ni Col. Berango nga subli siyang motambong sa session sa City Council karong Martes basi sa imbetasyon ni Konsehal Gacal, sure ball na diha ang init nga lalis sa argument kay gibarugan man gyud ni Gacal nga illegal ang STL Operation gumikan kay walay concurrence,namugnang kasabutan sa local nga kagamhanan sa GenSan na short cut ang proseso murag uyab nga nagminahalay apan na-una ang honey moon kaysa kasal.
Si Mayor Ronnel Rivera, mi-angkon nga walay concurrence ang operation sa STL sa syudad kay gipaabot pa ang taga PCSO nga maoy magpasabut sa City Council sa ilang operasyon, gibatbat sa Mayor nga nakatabang ug dako ang PCSO katawhan sa syudad kay midonar kini ug 200-thousand kada adlaw, alang sa mga pobre nga pasyente sa City Hospital, hulaton lang kono ang tamang panahon kay mo-anhi ra ang mga opisyal sa PCSO aron mo esplikar sa Small Town Lottery operation.
Na mao na Mayor halos mag tulo na ka bulan nga nag operate ang STL ubos sa Trento Gaming Corporation apan gipamulong mo nga walay concurrence na kini lang man diay ang kulang, sama rani nga milupad ang barko nga nabilin ang piloto nag una ang operasyon adiser i-proseso ang dukumento? Diba kon magsugod ka sa imong negosyo dapat imong unahon ang rehistro ayha ka mag abli sa establistment hulaton lang daw eh illegal Mayor? Mosugot lang lugar ta nga mopatigbabaw sa ato syudad ang lawlessness gobernong motapi-on sa illegal activities? Only in GenSan lang nga harap-harapan diri ang kolorum nga tricycle libo-libo pa gyud na gadagan sa kadalanan ning syudad, unsaon karon pagpang hinambog sa atong opisyal sa dakbayan nga mga law abiding citizen ang mga tawo diri tungod kay law abiding Citizen usab ang mga opisyal nga daghan gakahitabong illegal sa GenSan aber?
Segun sa Republic Act 9649 bisan kon dunay balaud nga nag govern sa PCSO kay charity ni sa goberno, apan ubos sa maong akta republika ang PCSO gi-obliga na mo kuha ug approval sa City Government sa Mayor ug City Council sayud si Mayor ani kay iya gani na mention ganina diba? Ang proseso nag ingon nga adunay usay concurrence mag communicate ang Mayor i-duso sa konseho ang Concurrence sa ilang operasyon ngano man nga gitugutan mani sa ehikutibo nga wala pamay gi- prosesong kasabutan alang sa approval sa STL operation? Dili pwede nga kay naka tabang ang PCSO i-shortcut nalang ang process kay dili raba ikalimod karon nga ang STL Outlet may nahitabong kabalbalan kay gisakyan sa illegal Last-two,kinsay nakabahin kaha ani? Kay basta adunay illegal nga mag exist sure ball nga may na ka kwarta diha. Under RA 9649 IRR ang standard operation procedure SOP mao nga si City Mayor Rivera mag issue una ug letter of no objection sa STL nga iyang i-sumite sa City Council alang sa deliberasyon ug approval uban ang pag issue ug SP resolution, kini ang wala nahimo nganong matawag nga hilaw ang STL operation sa Small town lottery, simple logic kong legal pa ang STL Operation unya gidakop sa Police, ka-ubo na unta ang nangdakop gikasuhan na unta sa Trento gaming corp. pero wala diba? Nagpaka hilum pa ang Trento Gaming Corporation kay sayud sila nga butaw budi pa,anghoy pa ang ilang operasyon, lain pa si Gacal nag ingon nga ang taga Trento Gaming nag offer ug 3-percent sa Mayor, 1-percent sa kapitanes unya ang station commander naay allowance, simple logic kong legal sila dinhi sa atong syudad nganong mag offer sila ug bahin aron nga dili sila dakpon kay hadlok sila tungod kay kabalo sila nga illegal sila,dakponon sila. Si Col.Berango sab nagpa-tuo sa PCSO nga nagpakita nga naa silay basis nga mag operate,ambot kon gibasa ba ug maayo ni Col.Berango ang balaud nga gipakita sa PCSO, nga ang violation tataw man nga local level ang bikil, ang concurrence man ang wala natuman sa STL nga gidala sa Trento Gaming Corporation, unsa man col.Berango ang basihan sa PCSO ang RA 9649,o ang ilang karaang balaud nga panahon pa ni padre Damaso ang gibasihan sa STL operators nga Trento?Tarunga ug tan-aw kay maskin si Mayor Rivera nag ingon nga wala pay concurrence nga nahimo kay wala pa naka naug ang taga PCSO mo-anhi palang aron ipasabut ang operasyon sa STL sa GenSan, di clear nga illegal kay ang maka legal sa ilang operasyon concurrence unya resulosyon sa City Council?
Ang nahitabo sa STL sama ra sa nahitabo sa Electronic Bingo dihang nagsugod kini sa ilang operasyon last year naunsa naman si Mayor Rivera, negosyante mani dili mani siya sugarol, apan iyang gisugal ang iyang ngalan sa hisgutanan sa iligal nga operasyon sa sugal. Pila naman ang kita gikan sa STL operation Mayor Rivera nga ubos sa IRR dapat ang City Government mopahibalo kon pila na ang computation sa share o income generated sa STL operations? Mag tulo naman seguro o upat ka bulan na ang STL sa ilang operasyon pila na ka milyon ang bahin sa syudad? Dako nga kwarta ang bahin sa dakbayan kay 3.75 percent ang share kada bulan asa na?
Atong gi-aghat si City Councilor Gacal kay abogado mani,bahalag sugarol ni nga konsehal basta mobarog ug balaud-balaud gyod matud niya, dapat iyang tumanon ang iyang gi-ingon nga iyang kasuhan ang adviser ug si Mayor Rivera,para makita ang katag kay tama ang iyang gi-ingon nga gadagan ang oras nga nagpasulabi sa GenSan ang iligal nga aktibidad unya ilakip niya sa kaso si Col.Berango kay laban bawi sa operasyon sa STL,dakop unya undang, nagka guliyang pa sa iyang kauban nga si Col.Gago este Yago kay si Yago mimando ug dakop,laban unya si Berango bawi,ayaw dawbi kay ang kwarta daw nga nakumpiska sa mga gi-raid nga STL Outlet pag-uli kay kulangan naman? Kinsa may balhibo-on ug kamot nga lakip sa raiding team nga abtik kaayong naka sikoy sa kwarta? Dimo ma ulaw sa gi-ingon ni Konsehal Gacal nga hulidap nang inyong pagpang dakop sa STL Outlet? Dapat ma kasuhan ang si kinsa mang nanghilabut sa kwarta sa gi-ronda nga STL Outlet tulis mani sa atubangan ,asa man tong gi-ingon ni Col.Berango nga mo resign siya kon dili niya masumpo ang illegal gambling sa GenSan? kanang STL abli paman lagi na nga illegal mana ingon sa konsehal, tolindoy ug sabung sa kabarangayan Col, naa pa tuloy ang ligaya?Bakakon kang dako kon dili nimo tumanon ang imong saad you better let go dita gustog opisyal nga tikalon Col.Berango sir, gaparehas lang mong Mayor Rivera bakakon sab nga walay sama gatugot aning mga illegal basta kay ma katabang? Unsa ning Gensan Pugad sa illegal? Paka-ulaw lang mong mga opisyala mo,kanus-a kaha manipis nang inyong mga nawong,balaud is balaud dumdum na!
