RMN Laoag – Napili ti RMN Laoag kadagupan kadagiti stakeholders iti United Nation Development Programme (UNDP) nga mangmonitor ti proyekto iti gobyerno kangrunaanna iti probinsya iti Ilocos Norte a maawagan ti G-HUBS.
Ti UNDP ket mangipaay ti training tapno matulongan dagiti G-HUBS a mangkita wenu mangsukisok kadagiti nagduduma a proyekto kangrunaan iti standardization. Innayun pay ti nasao nga organisasyun a dakkel a tulong ti Department of Interior and Local Government (DILG) tapnu saan a matipid dagiti pundo a naituding para kadagiti road projects.
Insayangkat daytoy ti UNDP iti Baguio City karaman kadagiti napili laeng nga stakeholder nangnangruna iti RMN ken Ilocos Norte Press Corps iti region one. Umabot ti P216,699,195.00 ti pakabuklan a pundo para iti tallo a proyekto para iti probinsya iti Ilocos Norte.
Ti programa ti UNDP ket karaman ti Sustainable Development Goals ti nasao nga ahensya para iti pagilian a Pilipinas tapnu maliklikan ti kurapsyon ken maipatungpal amin a naituding a pundo kadagiti proyekto.
Kalikagom ti RMN Network ti mangipaay ti serbisyo publiko para ti kailian a saan pangpolitika nu di ket patas a panakatratar iti issue ken damdamag, sadinuman a passet ti pagilian a Pilipinas.
Mangrugi dagiti aktibidad ti G-HUBS iti bulan ti Marso iti daytoy a tawen, 2019.
Bernard Ver, RMN News
