Kaniadtong Setyembre 10, 1763, si Maria Josefa Gabriela Cariño Silang kon mas naila sa pangalang si Gabriela Silang, ang maisugon nga nakigbatok sa mga Espanyol sa may Vigan Ilocos Sur.
Si Gabriela ang maong mipuli sa iyahang bana nga si Diego Silang, lider sa mga rebeldeng Pilipino sa Ilocos, nga matud pa gi-traidor sa iyahang suod nga higala, og gipatay kaniadtong Mayo 28 1763 pinaagi sa mando sa royal og simbahan sa Maynila.
Napatik sa kasaysayan, human sa kamatayon sa iyahang bana, si Gabriela ang misakay sa kabayo sa kabukiran sa Abra aron sa pagmugna sa iyahang kota og sa pagtigom sa iyahang mga sakop.
Sulod sa upat ka bulan, iyahang gipangunahan ang mga Pilipino alang sa pag-martsa, og nakiglaban sa Vigan apan tungod sa kadaghan sa mga Espanyol, daghan ang mga nangamatay sa sakop ni Gabriela.
Nakaikyas si Gabriela Silang kauban sa iyahang tiyo nga si Nicolas, og 7 ka mga kaubanan apan nadakpan siya og gibitay sa plaza hangtod nga siya namatay kaniadtong Setyembre 29, 1763.
