General Santos City- Suportado mga kasama sa mga gagmayng mga negosyante sa dakbayan sa General Santos City ang planong iduso sa mga anaa sa industriya sa panagat ang pag-exempt sa fishing industry sa excise tax.
Sumala pa kang Nang Maria Sayson, usa sa mga naga- negosyo og isda sa Gensan Public Market nga dakong tabang kini alang sa ilahang mga negosyante og ingon man mga konsyumante.
Sumala pa niini nga wala matud pa silaāy mahimo kung dili sa pagpataas sa ilahang presyo sa isda tungod sa excise tax sa produktong petrolyo.
Kung kahibaloan mga kasama nga gikabalak-an ang usbaw sa presyo sa isda nga moabot sa 25 % gumikan sa excise tax sa mga produktong petrolyo sa nasud.
Tungod niini, 16 ka mga resolusyon ang iduso og i-apila sa senado sa gihimong 19th National Tuna Congress sa syudad sa Gensan aron nga ma-exempt ang mga anaa sa idustriya sa panagat sa Gensan.
Una ng namahayag si Rosana Contreras, ang executive director sa Soksargen Federation of Fishing and Allied Industries ( SFFAII), nga moabot sa 70 percent sa operation cost sa matag panagatan ang petrolyo.
Naglaom na lamang si Nang Maria nga masulosyunan ang maong problema og madungog sa senado ang hangyo sa mga anaa sa sektor sa panagat.( Bryan Lavega OƱate; Photo by Mr. Danz Pelaez)
