Gisiguro sa National Bureau of Investigation ( NBI) nga ilahang patubagon
ang tanang mga lambigit sa maanomalosong road right of way ( RROW) project
scam partikularmente sa syudad sa General Santos sa nakalabayng eleksyon.
Sumala pa kang Atty. Cesar Bacani, Regional Director sa NBI- National
Capital Region (NCR) nga apil ang mga pribadong indibidwal nga involve sa
maong scam.
Sa giduso nga reklamong gipaabot sa NBI sa Office of the Ombudsman,
nagsugod kaniadto ang peke nga road right of way sa Aquino Administration
nga moabot sa P8.7 billion pesos.
Migawas usab nga adunay 37 ka mga respondents ang nagsabwatan aron nga
makakuha og pondo sa gobyerno.
Ang maong mga claim ang alang matud pa sa mga propedad sa may Barangay
Lagao sa syudad sa Gensan nga maapektuhan sa Digos-Makar- Buayan national
road.
Apan nga nadiskubrihan sa NBI nga peke diay ang mga transfer of certificate
of titles, tax declarations, city appraisal reports, city treasurers
certification on Real Property tax Reciepts og uban pa nga mga dokumento sa
gobyerno nga gihimong basehan alang sa claim.
