Nabayaka kuman an mga biyahidor sanan mga motorista human mahugmak sanan midahili an bahin nan konkreto na dayan sa may barangay Lipata sakop sa syudad. Sumaya pa na dugay na ini gikahadlokan na masinati an pagkahugmak sa kilid na bahin sa amu na dayan tungod kay napanid an na ini may agi na sa buak sanan liki an road shouldering na taghimo. Tagtohuan sa mga motorista na mibigay o nahugmak na gajud an amu na road shouldering tungod isab sa paghumok nan lupa daya sa pipila ka adlaw na nasinati na uyan sanan hangin tungod sa kayaot nan panahon. Laing problema na tagreklamo isab sa hingtungdan ahensya pareho nan DPWH amu an way sakto na mga warning signs labina kay ini pangpang sanan wayay suga sa gabii. Hinuon tagpaabot na an amo na reklamo sa DPWH para maaksyunan sa daling panahon labina kay ini agihanan sa mga sakyanan na dagko gikan sa Lipata Ferry Terminal pareho nan mga cargo truck, ten wheeler trucks, sanan mga bus. Kagahapon isab taghimo na an kasamtangan na pagbutang nan mga warning signs para malikayan an disgrasya.(RadyoMaN Jerson Fuentes)
