Madamo naman sang mga road signs sila nga napangbutang sa national highway agud nga makabulig sa mga motorista nga malikawan ang disgrasya, apang kon kulang pa ila pagadugangan suno kay Engineer Bernardo Hambala, maintenance chief sang Department of Public Works and Highways South Cotabato.
Ini matapos sang nangin rekomendasyon sang CDRRMC Koronadal nga kon mahimo dugangan pa ang mga road signs tungod sa nagluntad nga disgrasya sang nagligad nga semana nga madamo sang salakyan ang naimbolber sa bahin sang Alunan Avenue, Koronadal City matapos madulaan sang preno ang dumptruck.
Ginkumpirmar niya man nga subong nga tuig magatutok naman sila sa pagre-install sang pipila ka road signs nga naapektuhan sang road widening.
Samtang suno kay Engineer Hambala nga yara naman sa driver ang paghalong kag pagsunod sa mga road signs agud nga malikawan ang disgrasya.
Ginpahayag man sang maintenance chief nga padayon man ang ila ginahimo nga demolition sa mga obstruction sa road righ t of way.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
