Pontevedra, Capiz- Isa ka poluy-an sa Poblacion Ilaya banwa sang Pontevedra ang ginsulod sang kawatan alas otso ang takna sang gab-e.
Suno sa Pontevedra Municipal Police Station, kabug-osan nga P30, 000 pesos nga cash ang natigayon nga matangay sang wala pa makilala nga kawatan.
Suno sa biktima nga si Divina Dejapa y Daliva, 50-anyos ang pang-edaron, alas otso na sang gab-e sang nadiparahan sang mga ini nga ginsulod sang kawatan ang ila poluy-an kun sa diin ang suspek ang nakasulod pinaagi sa pagwasak sang bintana nga nahamtang sa kusina nga porsyon sang ila panimalay. Natigayon sini nga makuha ang sling bag nga yara sa cabinet kun sa diin nabutang ang cash.
Padayon pa ang imbestigasyon snag mga kapulisan sa amu nga insidente.
Facebook Comments
