Roberry, Illegal Possession of Firearms atubangon sa duha ka lalaking mi-ransack sa security agency

Davao City – Kasong Robbery Ransack ug kalapasan sa RA 10591 o Illegal Possession of Firearms ang atubangon sa duha ka mga suspetsado nga sila si Randy Echavia Lim, residente sa Brgy. Leon Garcia, Agdao, Davao City, samtang padayong gawasnon ang laing suspek nga si Robert Villabas Oliveros.

Sa gihimong manhunt operation nga gilusad sa kapolisan sa pagpanguna ni PMaj. Ma. Teresita Plaza Gaspan, Station Commander sa Maa Police Station, nadakpan si Lim ug nakuha gikan sa gipuy-an niini ang upat ka unit sa Norinco 9 mm caliber pistol, 9 ka mga steel magazine, usa ka led projector ug 45 ka mga 22 Tuason Craig Micromagnum nga mga bala nga gipanag-iyahan usa ka Security Agency.

Sumala ni Gaspan, nagpadayon ang ilang manhunt operation batok sa suspek nga si Robert Oliveros ug posibleng makasohan ang inahan niini nga si alias Ren sa kasong obstruction of Justice human nga nakuha sa iyang possesion ang laing 9mm nga pistola nga nalakip sa mga armas nga gikuha sa agency nga giransak. Si Lim, gipriso karon sa Maa Police Station.

RadyoMaN Paul Canono