Roldan: COVID public disclosure masalimuot

19

Davao City – Supak ang Department of Interior and Local Government (DILG) Davao Region sa sugyot ni Sen. Panfilo Lacson nga public disclosure sa datos sa mga infected sa 2019 coronavirus disease kun COVID-19.

Matud ni DILG-XI Regional Director Alex Roldan, kalapasan sa privacy ug sa tawhanong katungod (human rights) ang buot mahitabo ni Lacson nga public disclosure sa mga tawong matakbuyan sa maong balatian, busa dili kini puwedeng mapatuman dinhi sa nasud.


Ang maong sugyot magpa-low morale unya sa mga tawong nataptan aron magpahiling sa ilang mga kaugalingon ngadto sa mga frontliners.

Dili usab makahatag og solusyon sa COVID-19 ang public disclosure inay mas mupagrabe pa hinoon kini sa krisis nga may dakung epekto sa pangkinatibuk-ang kahimtang sa nasud ug sa katawhang Pilipino, segun sa senador.

Sugyot ni Roldan nga magbutang og usa ka pasilidad aron didto manawag ang mga tawong magduda nga aduna sila’y COVID-19 ma-respetar ug mapatigbabaw ang confidentiality kalabutan sa matuod nilang kahimtang sa panglawas.

RadyoMaN Joel Viray

Facebook Comments