General Santos City—Apil gironda sa kapulisan ang balay ni Barangay Apopong Kagawad Ponchano Joseph Cimagaca, Chairman sa Committee on Peace and Order sa konseho sa Barangay Apopong.
Alas 4:00 ang takna sa kabuntagon kaganina lang dihang gisulod sa kapulisan ang panimalay ni Kagawad Cimagala nga nahimutang sa purok 1, Barangay Apopong Gensan.
Atol sa ronda buluntaryong gisurender ni Cimagala ang iyang cal. 45 pistol ngadto sa kapulisan human nga gipresentar kaniya sa raiding team ang search warrant nga gipagula sa korte batok kaniya.
Giangkon usab ni Cimagala nga walay lesensya ang maong pusil gumikan wala syay kwartang ikabayad sa pagproseso alang sa paglukat ug lesensya niini.
Apan giklaro sa opisyal nga wala niya giaboso ang paghupot sa armas inay iya kining ginagamit isip proteksyon sa iyang kaugalingon.
Nasayran nga si Cimagala ang aktibo sa kampanya batok iligal nga droga sa ilang Barangay ug gani siya ang punay nga irequest sa mga police aron magwitness sa ginahimong Anti-Drug Operation sa PNP.
